تبلیغات
شاعرانه هایم برای تو - تقدیم و خاون وبلاگیل " میلکان که‌ڵهۆڕ آقا علی " و " سرمست آقا امیر "
شاعرانه هایم برای تو
سند تمام شعر هایم به نام باران است . . .
دڵم بیچارەگەێ کەس کەس نەناسە
هزاران ئاخ سەرد ها لەێ هناسە
یەێ گڕ ئاگر گڕە یەێ گڕ خۆڵەو بووگ
یەێ گڕ گیانە هە چۊ زەخم گۆڵ گۆڵەو بووگ
وە باخ بێ گۆڵم سەر دامە ئمشەو
بخوەن لە بێ کەسیم خەمنامە ئمشەو
بیلا واران بوارێدوو تەڕم کەێ
بیلا سەمفونی ئەورەیل کەڕم کەێ
بچڕ هورە دڵم پڕ زامە ئمشەو
وە کزە کز ت دڵ دامە ئمشەو
خەریوی چڕ بکە دنیا تەمەو کە
سیە ماڵ خۆسە لەێرە جەمەو کە
بیلا واران بکەێدن خیس فیسم
خوەشی باێدوو خۆسە بچوو لە کیسم
بیلا سۊەرمگ بسام لە شەو چراخم
وەهار هەم دەس بساێگ لە بەرزە شاخم
بیلا سەوزەو بکەم چۊ وەڵنگ داران
سفێد پووشم هە چۊ خاڵەیل زمسان
بچڕ هورە بریم چڕ کە لە گیانم
هزاران جام مەسی ئەڵقۆڕانم
تووام ئمشەو مەسوومو ڕۊ و بادە
بنووشم جام مەی دڵ شاد شادە
تووام خفتان خەم لە وەر درارم
لە باخ ئەزرەتەیلم گۆڵ بکارم
دڵم ئەڵقرچیاس واران بواروو
ریشەێ ئاگر و گیان من دراروو
بیلا ئمشەو ت بۊدە هاو زوانم
بچڕ هورە بچڕ دەردت لە گیانم




نوع مطلب :
برچسب ها :


نمایش نظرات 1 تا 30
پیوندهای روزانه
پیوندها
آمار وبلاگ
  • کل بازدید :
  • بازدید امروز :
  • بازدید دیروز :
  • بازدید این ماه :
  • بازدید ماه قبل :
  • تعداد نویسندگان :
  • تعداد کل پست ها :
  • آخرین بازدید :
  • آخرین بروز رسانی :